Gönguhátíð Súðavíkur
Gönguhátíð súðavíkur er haldin ár hvert um verslunarmannahelgi. Dagskrá hátíðarinnar er síbreytileg frá ári til árs, en er alltaf fjölbreytt og skemmtileg. Þó eru nokkrir fastir liðir, eins og morgungrauturinn í Kaupfélaginu og ballið góða í Samkomuhúsinu. Hátíðin hentar öllum aldurshópum og boðið er upp á gönguferðir undir leiðsögn reyndra göngugarpa. Boðið er upp á fisléttar göngur, mjög krefjandi göngur og allt þar á milli. Hátíðin er mjög vinsæl og aðsóknin vex frá ári til árs, svo gott er að hafa í huga að tryggja sér gistingu í tíma.