Sumar í Raggagarði - listaverkið Blóm í glugga afhjúpað - VIDEO
19.07.2021
Það var margt um manninn og ferfætlinginn í Raggagarði laugardaginn 17. júlí s.l. þar sem fram fór sannkölluð hátíð til að fagna nýjum framkvæmdum í garðinum og svo afhjúpun listarverksins Blóm í glugga sem Finnur Jónsson og fjölskylda hans gáfu garðinum við þetta tækifæri. Það kenndi margra grasa hjá fjölbreyttum skemmtikröftum þennan dag, Einar Mikael töframaður sýndi listir sínar og fékk börnin í lið með sér, Mugison og Benni Sig og félagar stigu á stokk og tóku lagið. Frábær dagur í alla staði, sólin skein í heiði og allir fóru heim með bros á vör.
