Sitemap
TextSizeButtonSmall TextSizeButtonMed TextSizeButtonBig
Valmynd2
lifid
« 2017 »
« Maí »
S M Ţ M F F L
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      
lifid
Facebook Skolastarfsemi Skolar dagskra
Utgefid efni HusinIbae Álfabyggđ 3.
Álfabyggđ 3.

Gönguhátíđ í Súđavík

Í samvinnu Súðavíkurhrepps, göngufélags Súðavíkur, gönguklúbbsins Vesens og vergangs og Eyvindar ehf. verður haldin gönguhelgi í Súðavík um verslunarmannahelgina fyrir alla fjölskylduna.

 

Verð í styttri göngur er 1500 kr.

Verð í lengri göngur er 3500 kr. ( rúta innifalin)

Verð á gönguarmbandi sem gildir í styttri göngur 5000 þús. ( Innifalið er gisting á tjaldsvæði )

  

 

 

Dagskrá 28. júlí til 1. ágúst

Alla dagana er hægt að fara í gönguferðir með Wappinu, kíkja í Raggagarð, á Ömmu Habbý eða Melrakkasetrið í minigolf og refaheimsókn. 

Fimmtudagur 28. júlí

Off venue Melrakkasetur
20:00 Kvöldvaka. Upplestur og tónleikar.

 

Föstudagur 29. júlí

10:00

Skráning og upplýsingar

Upplýsinga- og þjónustuborð í Kaufélaginu, Álftaveri

17:00

Síðdegisganga í Valagil (einn skór)

Síðdegisganga í Valagil. Farið verður frá Kaupfélaginu kl 17:00 og stefnt að því að halda af stað í gönguna kl 17:15 frá bílastæðinu í Seljalandsdal.

Kr. 1500 eða gönguarmband.

17:00

Síðdegisganga á Kofra (tveir skór)

Í fylgd með Barða Ingibjartssyni, en líklega hefur enginn (lífs eða líðinn) gengið oftar á Kofrann (635m) en Barði. Barði verður með sögustund á toppnum um kraftinn í Kofra. Hámarksfjöldi 20 manns.

Kr. 1500 eða gönguarmband.

19:00

Göngumatarveisla!

Lambakjötsveisla á Jóni Indíafara. Eldað að hætti heimamanna, í höndum heimamanna.

2500 kr.

20:00-23:00

Bókasafnstónleikar

Tónleikadagskrá í hinu víðfræga bókasafni Kaupfélagsins.

 

Laugardagur 30. júlí

08:00-10:00

Hafragrautur með lifrarpylsu og lýsisskammti á Kaupfélaginu

Hafragrautur með lifrarpylsu og lýsisskammti er sígildur og góður morgunverður og kemur göngufólki
af stað og í gott skap. Skammturinn er á kr. 500. Einnig verður hægt að fá brauð og með því.

08:00

Úr Hestfirði á Sjónfríð og yfir í Dýrafjörð (þrír skór)

Mæting við Kaupfélagið. Gengið á Sjónfríð (920 m) úr Hestfjarðarbotni. Ofan af Sjónfríð er
ógleymanlegt útsýni yfir Djúpið, Snæfjallaströnd, Drangajökul, Glámu og fjöllin í kringum Dýrafjörð
og Arnarfjörð. Af fjallinu er svo gengið niður í Dýrafjarðarbotn. Fararstjóri: Barði Ingibjartsson. Þessi
ganga er í samvinnu við Ferðafélag Ísfirðinga.
Leiðsögn: Barði Ingibjartsson

3500 kr. ( fyrir þá sem eru með gönguarmband)

09:00

Sauratindar (tveir skór)

Hringferð. Farið upp Traðargilshvilft og þaðan áfram upp á Sauratinda (856 m), haldið áfram inn yfir
og niður á Skák og gengið niður Sauradal til baka. Nokkuð á fótinn en hæf fyrir flesta í sæmilegu
ástandi og útsýnið svíkur engan.
8km/800 m hækkun. 5 tímar.
Leiðsögn: Anna Lind Ragnarsdóttir

Kr. 1500 eða gönguarmband.

 

10:00

Gamla þjóðleiðin úr Álftafirði yfir í Önundarfjörðum Álftafjarðarheiði (þrír skór)

5-6 tíma ganga um gömlu þjóðleiðina yfir Álftafjarðarheiði í Önundarfjörð.
Leiðin um Álftafjarðarheiði niður í Korpudal í Önundarfirði var fjölfarin fyrr á tíð, hana fóru
vermennirnir til dæmis til vertíða í Höfnum á Súðavíkurhlíð. Til eru frásagnir af fólki eins og konunni
með barnið sem varð úti en barnið lifði, Þuríði Jónsdóttur sem flúði undan galdraofsóknum séra Jóns
Þumlungs yfir í Önundarfjörð og Salómons Jónssonar sem fór sína hinstu för um heiðina á vertíð í
Höfnum. Sagt verður frá þessu og ýmsu öðru forvitnilegu á leiðinni. Gengið er frá Seljalandi upp á
Álftafjarðarheiði um Þverfellsskarð, niður svonefndar Moldarbrekkur og Korpudal að Kroppstöðum. Í
Önundarfirði mun hópferðabíll taka hópinn aftur til Súðavíkur. Lágmarksfjöldi 15 og hámarksfjöldi 30
manns. Verið útbúin eftir veðri og takið gott nesti með.
Stefnt er að því að vera komin aftur í Súðavik kl. 18:00.
Hækkun 700 m, 15 km, 5-6 tímar.
Leiðsögn: Dr. Ólína Kjerúlf Þorvarðardóttir þjóðfræðingur með dyggri aðstoð
Sigurðar Péturssonar sagnfræðings.

3500 kr. ( 1500 fyrir þá sem eru með gönguarmband)

12:00

Sela- og söguskoðun á Hvítanesi í Skötufirði (einn skór)

Kristján Kristjánsson frá Litlabæ segir af selum og lífinu á Hvítanesi í Skötufirði. Kristján er fæddur og
uppalinn á Litlabæ og hefur búið á Hvítanesi í rúm 40 ár. Rölt verður um fjörur í kring, selir skoðaðir
og kannski sést til hvals. Verð fyrir manninn er kr. 1.000 og innifalið kaffi, te eða kakó og heit vaffla
að hætti Sigríðar í Litlabæ. Veitingarnar verða í lok gönguferðarinnar. Sama verð er fyrir börn og
fullorðna.
Komið saman við Litlabæ (ath. ca. 50 km frá Súðavík). Létt ganga og við allra hæfi ca 2 km og 1 - 2
tímar (fer eftir veðri).

 

17:00

Síðdegisganga um þorpið í Súðavík í fylgd með sveitarstjóranum (einn skór).


Fjallað um þætti úr sögu Súðavíkur m.a. fyrstu hvalveiðistöðina á Íslandi á Langeyri, svæðið þar sem
snjóflóðið féll 16. janúar 1995, Raggagarð og fleira. Komið saman við Kaupfélagið.
Leiðsögn: Pétur G. Markan sveitarstjóri Súðavíkurhrepps

17:00

Kómedíuleikhúsið í Melrakkasetrinu – Barnaleikrit.

Elvar Logi Hannesson fer á kostum fyrir ungu kynslóðina.

Frítt inn fyrir börn á öllum aldri.

   
20:00-22:00

Fjölskylduball í Samkomuhúsinu á gönguskóm

Sykurpúðar grillaðir fyrir framan Samkomuhúsið.

 

 

Sunnudagur 31. júlí

08:00-10:00

Hafragrautur með lifrarpylsu og lýsisskammti í Kaupfélaginu.

Hafragrautur með lifrarpylsu og lýsisskammti er sígildur og góður morgunverður og kemur göngufólki
af stað og í gott skap. Skammturinn er á kr. 500. Einnig verður hægt að fá annars konar morgunverð.

10:00

Gömul þjóðleið yfir Þóruskarð (þrír skór)

Mæting við rafstöðina í Engidal (Ísafjarðarmegin). Gengið þaðan yfir Þóruskarð og endað í
Seljalandsdal í botni Álftafjarðar. Þessi ganga er í samvinnu við Ferðafélag Ísfirðinga.
Leiðsögn: Rögnvaldur Þór Óskarsson

3500 kr. ( 1500 fyrir þá sem eru með gönguarmband)

10:00

Fjölskylduganga í Valagil í Seljalandsdal, í Álftafirði (einn skór)

Tvíþætt ganga – annars vegar styttri ganga að Valagili og hins vegar áfram og upp með gljúfrunum.
Það hefur lengi verið vinsælt að ganga í hið fallega Valagil og sem flestir hvattir til að koma með.
Komið saman við Jón Indíafara og keyrt að upphafsstað göngu í botni Álftafjarðar.
Leiðsögn: Barði Ingibjartsson

Kr. 1500 eða gönguarmband.

10:15

Bardagi (tveir skór)

Bardagi er fallegur tindur á milli Álftafjarðar og Seyðisfjarðar og fær nafn sitt af bardaga tveggja
dverga sem vörpuðu björgum. Brattar hlíðar, en svo eru verðlaunin frábært útsýni yfir fjöllin og
Djúpið. Komið saman við Jón Indíafara, sameinast í bíla og keyrt að upphafsstað göngu.
Hækkun ca. 600 m, 3-4 km, 3-4 tímar.
Leiðsögn: Anna Lind Ragnarsdóttir.

Kr. 1500 eða gönguarmband.

12:00

Fjölskylduganga í Heydal í Mjóafirði (einn skór)

Gengið inn með dalnum og falleg gil skoðuð og minjar um búsetu. Komið saman við hótelið í Heydal.
Eftir göngu er komið saman í kaffi og með því á hótelinu.
Hækkun óveruleg, 4-5 km, 2 tímar.
Leiðsögn: Stella Guðmundsdóttir.

Þátttakendur kaupa veitingar eftir göngu og heilsa upp á yrðlinginn.

   
17:00

Síðdegisganga um þorpið í Súðavík í fylgd með sveitarstjóranum (einn skór)

Fjallað um þætti úr sögu Súðavíkur m.a. fyrstu hvalveiðistöðina á Íslandi á Langeyri, svæðið þar sem
snjóflóðið féll 16. janúar 1995, Raggagarð og fleira. Komið saman við Kaupfélagið.
Leiðsögn: Pétur G. Markan sveitarstjóri Súðavíkurhrepps

21:00

Tónleikar Skúla Mennska í kirkjunni

Skúli Mennski hefur getið af sér gott orð innan tónlistarsenunnar á Íslandi. Skúli mun halda tónleika í
magnaðri kirkju, sem enginn má láta fram hjá sér fara.

Kr. 1500

 

Mánudagur 1. ágúst

09:00

Morgunganga á Kofra (635m) (tveir skór)

Í fylgd með Barða Ingibjartssyni, en líklega hefur enginn (lífs eða liðinn) gengið oftar á Kofrann en
Barði. Barði verður með sögustund á toppnum um kraftinn í Kofra.
Hækkun 600 m, 3 km, 3 tímar. Komið saman við Jón Indíafara.

Kr. 1500 eða gönguarmband.

 

Við áskiljum okkur rétt til að breyta áætlun vegna veðurs. Ef aðstæður eru varasamar á fjöllum, verður boðið upp á láglendisgöngur í staðinn. 

Vefumsjón