Sitemap
TextSizeButtonSmall TextSizeButtonMed TextSizeButtonBig
Valmynd2
lifid
« 2017 »
« J˙nÝ »
S M Ů M F F L
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  
lifid
Facebook Skolastarfsemi Skolar dagskra
Utgefid efni HusinIbae

Margot Group (MG), móðurfélag Celtic Sea Minerals, eiganda Íslenska kalkþörungafélagsins, hefur lagt fram viljayfirlýsingu um áhuga sinn á að fjárfesta í námu- og afurðavinnslu á kalkþörungum úr Ísafjarðardjúpi. Vilji MG stendur til að reisa kalkþörungaverksmiðju í Súðavík vegna nálægðar þorpsins við hráefni kalkþörunga og þangs sem verksmiðjan þarf á að halda úr Ísafjarðardjúpi. Undir viljayfirlýsinguna rita Michael Ryan frá MG og Einar Sveinn Ólafsson, framkvæmdastjóri Íslenska kalkþörungafélagsins.

Áætlun MG gerir rad fyrir að hefja rekstur verksmiðjunnar árið 2018. Til að svo geti orðið þarf að ganga sem fyrst frá samningum um hentuga lóð undir verksmiðju og athafnarými á hafnarsvæðinu, aðgang að nauðsynlegum hafnaraðstæðum auk samnings um nauðsynlega raforku. Raforkuþörf fyrirhugaðrar verksmiðju verður 8 MW. Súðavíkurlína getur ekki borið svo mikla raforku og þarf að leggja nýjan streng til Súðavíkur. Verksmiðjan yrði sambærileg þeirri sem Íslenska kalkþörungafélagið starfrækir nú á Bíldudal og segir í yfirlýsingunni að 15-20 heilsárstörf skapist í verksmiðjunni auk afleiddra starfa.

Áform MG eru háð ásættanlegum niðurstöðum rannsókna á kalkþörungaseti í Ísafjarðardjúpi, veitingu námuleyfis og vinnsluleyfis á hafsvæðinu, starfsleyfis fyrir verksmiðjuna og samningum um staðsetningu hennar og nauðsynlega hafnaraðstöðu auk raforkusamnings. Þá eru jákvæðar niðurstöður samningaviðræðna MG við Súðavíkurhrepp um kostnað vegna fjárfestingar í landfyllingu, landnýtingu og hafnaraðstöðu einnig forsenda þess að ráðist verð í verkefnið, segir í viljayfirlýsingunni.

Enda þótt viljayfirlýsingin sé háð ýmsum eðlilegum fyrirvörum er hér um mjög ánægjuleg tíðindi að ræða fyrir Súðvíkurhrepp og í raun héraðið allt sem þarf mjög á fleiri atvinnutækifærum að halda. Verði af þessum fyrirætlunum Marigot er ljóst að um mikla viðbót verður að ræða í atvinnulífi okkar Vestfirðinga eins og komið hefur í ljós á sunnanverðum Vestfjörðum, þar sem Íslenska Kalþörungafélagið hefur átt verulegan þátt í því að stöðva fólksfækkun á Bíldudal og snúa þar við bágborinni stöðu. Horfum við Súðvíkingar til þess sama hér.

Af hálfu Súðavíkurhrepps verður hafist handa um viðræður við Marigot um næstu skref í málinu og óska eftir viðræðum við nauðsynlega hagsmunaaðila hér á landi sem þurfa að koma að verkefninu. Er þar m.a. um að ræða Orkubú Vestfjarða (OB) vegna nauðsynlegra úrbóta í raforkumálum svo unnt verði að tryggja fyrirhugaðri verksmiðju nægilega raforku. Slík framkvæmd myndi bæta mjög úr því aðstöðuleysi sem íbúar Súðavíkur búa við vegna gamalla og úr sér genginna raflína sem liggja hæst allra raflína á landinu með tilheyrandi reglulegu spennuleysi. Súðavíkurhreppur fagnar því mjög þeim jákvæðu viðbrögðum sem þegar eru komin fram af hálfu OB vegna þessa máls.

 

 

 

Vefumsjˇn