Sitemap
TextSizeButtonSmall TextSizeButtonMed TextSizeButtonBig
Valmynd2
lifid
« 2018 »
« Ágúst »
S M Ţ M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  
lifid
Facebook Skolastarfsemi Skolar dagskra
Utgefid efni HusinIbae Ađalgata 2.
Ađalgata 2.

Um verslunarmannahelgina verður skemmtileg gönguhátíð í Súðavík. Fjölbreyttar göngur verða á dagskrá fyrir fólk á öllum aldri og fjörugar uppákomur á kvöldin.

Dagskrá

Föstudagur 3. ágúst

Kl. 17:00 Gönguhátíðin sett

Kl. 17:00 Fjölskylduganga í Valagil í Seljalandsdal, í Álftafirði (einn skór)
Keyrt frá Kaupfélagsplaninu inn í botn Álftafjarðar og lagt á bílastæði á Seljalandi en þar búið fram til 1972-4. Tvíþætt ganga – annars vegar styttri ganga að Valagili og hins vegar áfram og upp með gljúfrunum. Það hefur lengi verið vinsælt að ganga í hið fallega Valagil og sem flestir hvattir til að koma með og hlusta á söguna af Bóthildi. Barði Ingibjartsson leiðsegir.

Kl. 20:00 Matarveisla á Jóni Indíafara. Matur að hætti heimamanna. 

Laugardagur 4. ágúst

08:00-10:00 Hafragrautur með lifrarpylsu og lýsisskammti á Kaupfélaginu
Hafragrautur með lifrarpylsu og lýsisskammti er sígildur og góður morgunverður og kemur göngufólki af stað og í gott skap. Skammturinn er á kr. 500. Einnig verður hægt að fá brauð og með því.

09:00 Úr Álftafirði um Hestskarð og yfir í Önundarfjörð (þrír skór)
6-7 tíma ganga úr Álftafirði um Hestskarð og yfir í Hestdal í Önundarfirði. Leiðsögn: Barði Ingibjartsson.
Fólk kemur saman í Kaupfélaginu í Súðavík og sameinast í bíla í botn Álftafjarðar. Eftir göngu er rúta til baka í Álftafjörð. Hámarksfjöldi 22. Hækkun 600 m, 15 km, 6-7 tímar. 

Kl. 09:00 Gengið verður upp á Kofra og þaðan eftir Heiðnafjalli og yfir á Rauðkoll. Þaðan er svo farið niður á Skákina (milli Arnardals og Sauradals) og síðan upp á Sauratinda og það fjall þvert og niður fjallið ofan við þorpið. Samanlögð hækkun er um 850 m og gangan tekur 7-9 tíma, það fer eftir hópnum. 
Hópurinn hittist við Kaupfélagið og fer af stað þaðan kl. 9. 
Leiðsögn: Anna Lind Ragnarsdóttir


Kl. 17 Síðdegisganga um þorpið – einn skór
Fjallað um þætti úr sögu Súðavíkur m.a. fyrstu hvalveiðistöðina á Íslandi á Langeyri, svæðið þar sem snjóflóðið féll 16. janúar 1995, Raggagarð og fleira.

Leiðsögumaður: Steinn Ingi Kjartansson

Hist við Kaupfélagið í Súðavík kl.17:00

 

Kl. 20:00 Sameiginlegt grill í Samkomuhúsinu

Grillið verður orðið heitt kl. 20 og hægt að koma með eigið kjöt á grillið eða kaupa grillaðar pylsur á vægu verði. Pappadiskar og hnífapör verða á staðnum. Spiluð verður létt tónlist.

Kl. 22 Dansleikur í Samkomuhúsinu í Súðavík

Fjörugt ball í framhaldi af grillinu þar sem dansað verður inn í nóttina. Gestir koma með drykkina með sér.





Sunnudagur 5. ágúst

08:00-10:00 Hafragrautur með lifrarpylsu og lýsisskammti á Kaupfélaginu
Hafragrautur með lifrarpylsu og lýsisskammti er sígildur og góður morgunverður og kemur göngufólki af stað og í gott skap. Skammturinn er á kr. 500. Einnig verður hægt að fá brauð og með því.

09:00 Folafótur, 2 skór.
Hist við Kaupfélagið í Súðavík og sameinast í bíla og keyrt af stað kl. 9 á upphafsstað göngu við Hestfjörð. 
Vegalengd: 17 km, hækkun ca 100 m, göngutími: 6 tímar. 
Leiðsögn: Barði Ingibjartsson



10:00 Ganga upp á Gleiðarhjalla

Gangan upp á Gleiðarhjalla er aðeins brött en þó fær mörgum og útsýnið yfir Skutulsfjörðinn og Ísafjarðarbæ svíkur engan. 
Vegalengd: ca 2,5 km
Hækkun: 440 m
Göngutími: 2,5 tímar með stoppum
Leiðsögn: Ómar Smári Kristinsson

Hist við Kaupfélagið í Súðavík kl. 9:00

Mæting á Bónusbílaplani kl. 9:30

12:00 Selaskoðun á Hvítanesi í Skötufirði (einn skór)
Kristján Kristjánsson frá Litlabæ segir af selum og lífinu á Hvítanesi í Skötufirði. Kristján er fæddur og uppalinn á Litlabæ og hefur búið á Hvítanesi í rúm 40 ár. Rölt verður um fjörur í kring, selir skoðaðir og kannski sést til hvals. Verð fyrir manninn er kr. 1.000 og innifalið kaffi, te eða kakó og heit vaffla að hætti Sigríðar í Litlabæ. Veitingarnar verða í lok gönguferðarinnar. Sama verð er fyrir börn og fullorðna. 
Létt ganga og við allra hæfi ca 2 km og 1 - 2 tímar (fer eftir veðri).



Mánudagsmorgunn 6. ágúst

Kl. 9 Morgunganga á Kofra (635m) (tveir skór)
Í fylgd með Önnu Lind Ragnarsdóttur og Barða Ingibjartssyni, en líklega hefur enginn (lífs eða liðinn) gengið oftar á Kofrann en Barði. Barði verður með sögustund á toppnum um kraftinn í Kofra. Hámark 30 manns. 
Vegalengd: 3 km. Hækkun 600 m, Göngutími: 4-5 tímar. 
Leiðsögn: Anna Lind Ragnarsdóttir og Barði Ingibjartsson.

Réttur er áskilinn til að breyta um áætlun vegna veðurs. Ef aðstæður eru varasamar á fjöllum, verður boðið upp á láglendisgöngur í staðinn. 

Verðskrá:
Verð í styttri göngur er kr. 1500.
Verð í lengri göngur er kr. 4000 (rúta innifalin) – en kostar kr. 2000 ef viðkomandi er með gönguarmband.
Verð á gönguarmbandi sem gildir í styttri göngur kr. 5.000 ( Innifalið er gisting á tjaldsvæði og fullt box af þorskalýsisperlum frá Lýsi hf). 

Það er ókeypis fyrir börn á grunnskóla- og leikskólaaldri og 50% afsláttur fyrir 16-18 ára. Afsláttur gildir einungis um göngur, allir þurfa að greiða í rútu og í vöfflur í Litlabæ.

Aðstandendur
Súðavíkurhreppur er sveitarfélag við Ísafjarðardjúp og nær frá Ísafjarðarbotni að Súðavíkurhlíð við Álftafjörð. Pétur G. Markan er sveitarstjóri. www.sudavik.is
Göngufélag Súðavíkur stendur fyrir reglubundnum gönguferðum í Álftafirði og víðar. Formaður er Barði Ingibjartsson.
Gönguklúbburinn Vesen og vergangur er á Facebook og með rúmlega 12.000 meðlimi. Farið er í ca 3-5 gönguferðir á viku. Forsvarsmaður er Einar Skúlason. https://www.facebook.com/groups/vesenogvergangur/

Aðstandendur hátíðarinnar.

Í forsvari fyrir gönguhátíðina er Einar Skúlason - 663 - 2113

Gönguklúbburinn Vesen og vergangur er á Facebook og með rúmlega 12.000 meðlimi. Farið er í ca 3-5 gönguferðir á viku. Forsvarsmaður er Einar Skúlason.

https://www.facebook.com/groups/vesenogvergangur/

Göngufélag Súðavíkur stendur fyrir reglubundnum gönguferðum í Álftafirði og víðar. Formaður er Barði Ingibjartsson.

Súðavíkurhreppur er sveitarfélag við Ísafjarðardjúp og nær frá Ísafjarðarbotni að Súðavíkurhlíð við Álftafjörð.

 

 

 

Vefumsjón