Sitemap
TextSizeButtonSmall TextSizeButtonMed TextSizeButtonBig
Valmynd2
lifid
« 2017 »
« Oktˇber »
S M Ů M F F L
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        
lifid
Facebook Skolastarfsemi Skolar dagskra
Utgefid efni HusinIbae GrundarstrŠti 3.
GrundarstrŠti 3.

Ársreikningur Súðavíkurhrepps og stofnanna var samþykktur í dag í sveitarstjórn í fyrri umræðu.

 

Niðurstaðan er afar góð og ljóst er að miklar framfarir hafa orðið í rekstri sveitarfélagsins síðastliðinn þrjú ár.

 

Rekstrarafgangur sveitarfélagsins er 23 milljónir. Áætlun ársins gerði ráð fyrir 14 milljónum.

 

Eigið fé sveitarfélagsins nam 470 milljónum við árslok.

 

Veltufé frá rekstri var 50 milljónir við árslok, áætlun gerði ráð fyrir 27 milljónum.

 

Handbært fé sveitarfélagsins við lok ársins var 104 milljónir, en áætlun gerði ráð fyrir 77 milljónum.

 

Eftirfarandi var bókað af allri sveitarstjórn.

Framúrskarandi árangur í rekstri Súðavíkurhrepps.

Ljóst er að rekstur Súðavíkurhrepps hefur tekið miklum framförum á síðustu þremur árum. Fjárhagsleg staða sveitarfélagsins hefur styrkst mjög, eins og kemur m.a. í þróun á handbæru fé og veltufés frá rekstri.

 

Til samanburðar var við lok árs 2013 handbært fé rekstri samstæðu 24 milljónir, en við lok 2016, 104 milljónir.

 

Veltufé frá rekstri við árslok 2013 var 15 milljónir, en við lok árs 2016 var það 41 milljón.

 

Veltufé frá rekstri segir til um getu sveitarfélagsins til fjárfestinga, sem hefur eflst til muna síðastliðinn þrjú ár.

 

Sjálfstæði sveitarsfélaga er öðru fremur bundið í fjárhagslega sjálfbærni.

 

Með öguðum rekstri og betri afkomu síðastliðinna ára hefur sveitarstjórn treyst sveitarfélagið betur í sessi, og eflt það til að takast á við verkefni framtíðarinnar.

 

Í ár er sveitarfélagið í stórum verkefnum, m.a. annars til að efla innviði Inndjúpsins. Slík verkefni eru sveitarfélaginu möguleg með góðum rekstri, eins og afkoma ársins 2016 gefur í ljós.

 

Samþykkt samhljóða.

 

Ársreikninginn má nálgast hér. 

 

Vefumsjˇn