Sitemap
TextSizeButtonSmall TextSizeButtonMed TextSizeButtonBig
Valmynd2
lifid
« 2019 »
« Nˇvember »
S M Ů M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
lifid
Facebook Skolastarfsemi Skolar dagskra
Utgefid efni
mi­vikudagurinn 25. septemberá2019

┴ d÷finni Ý september 2019

H÷fnin - bryggjuspor­ur
H÷fnin - bryggjuspor­ur
1 af 4

Undanfarna daga hefur sveitarstjóri mikið verið að sækja fundi út fyrir hreppinn. Allir vilja klára sem mest í september enda almennt annasamur mánuður. Skólar eru byrjaðir, nýtt kvótaár hafið í sjávarútveginum, fé rekið og látið og helstu haustverk hefjast eftir sumarfrí. Þetta er eins á öllum stöðum, þ.e. allir vilja byrja með látum í september í funda og fyrirlestrarhaldi. Minnt er á skýrsluskil, samráð og samvinnu. 

Sveitarstjóri átti stuttan fund með fulltrúa Vegagerðarinnar vegna hafnarmála í Súðavíkuhreppi. Höfnin í Súðavík er ekki skipgeng að heitið getur þar sem malarrif hefur safnast upp við innsigliningu. Fjara er komin við bryggjuenda og því ekki líklegt að mikil umferð stærri skipa með einhverja ristu verði þegar ástandið er svona. En þetta er mikið öryggismál hér í Súðavík, enda alltaf hætta á að Súðavíkurhlíðin lokist að vetri. Flugvöllur er ekki staðsettur hér við þorp og því fátt samgangna ef aðstæður útiloka umferð um hlíðina eða Djúpið. 

Sveitarstjóri hefur óskað eftir því að bætt verði úr þessu, þ.e. höfnin hreinsuð þannig að innsigling verði tryggð og viðlegukantur verði nothæfur. Aðrar úrbætur eru á áætlun - þ.e. dekkið í miðbakka Súðavíkurhafnar. Svo er auðvitað stóra málið - uppbygging hafnar inn á Álftafirði. Staða þeirra mála var rædd og mun líklega skýrast mikið í vetur. 

Áformað er að fá fund með Vegagerðinni varðandi aðkomu að þorpinu, beggja vegna, en lagfæra þarf Kolbeinslæk fyrir ofan veg. Þá þarf að skoða þann möguleika að færa ristarhlið nær Langeyri, enda hefur talsverður tími starfsmanna Súðavíkurhrepps farið í að smala þorpið. Líklega er leitun að öðru eins teymi hvað varðar æfingu í að ganga og skokka líkt og raun er með starfsmenn Súðavíkurhrepps. 

Á allra næstu dögum stendur til að opna verslun og þjónustu í Grundarstræti og bera að fagna því. Þar er fundin lausn mikilvægs atriðis fyrir Súðavík og þá sem eru á ferðinni um þorpið.

Talsvert hefur verið skoðað með uppbyggingu húsnæðis í hreppnum. Eins og flestum er kunnugt hefur verið skortur á íbúðarhúsnæði og því vert að skoða næstu skref af alvöru. Er í það minnsta þörf á að mynda þar stefnu um hvaða áherslur eiga að vera uppi varðandi húsnæði á vegum hreppsins; hvort hreppurinn eigi að leigja á almennum markaði eða reyna að byggja upp húsnæði sem meira varðar beint hlutverk hreppsins s.s. íbúðir fyrir 65+ og meira af félagslegum toga. 

Með kærri kveðju,

Bragi Þór Thoroddsen

Vefumsjˇn