Um er að ræða þrjár breytingar á landnotkun í Súðavíkurhreppi

1. Heydalur í Mjóafirði

            Svæðið er frístundabyggð og skógræktarsvæði.

Greinargerð gildandi aðalskipulags.:

3.6.2. FRÍSTUNDABYGGÐ Í DREIFBÝLINU

            Heydalur í Mjóafirði

            Frístundabyggð og skógræktarsvæði um 334 ha.

Tillaga að breytingu

            Heydalur í Mjóafirði

            Frístundabyggð og skógræktarsvæði og verslunar- og þjónustusvæði í

            þágu ferðamanna, heildarstærð svæðisins um 229 ha (stærð svæðis leiðrétt).

Í kafla 3.3.5.1. VERSLUN OG ÞJÓNUSTA, DREIFBÝLIÐ, bætist við

texti: Vegna mikils vaxtar í ferðaþjónustu á Vestfjörðum er í Heydal í Mjóafirði gert ráð fyrir verslunar- og þjónustusvæði í þágu ferðamanna. Á afmörkuðu um 10 ha svæði innan skipulagssvæðisins er áformuð um 1.500 m2 móttöku- og þjónustuaðstaða fyrir ferðafólk, þ. á.m. alhliða gistikostir, ferðaþjónusta, tjaldsvæði, frístundahús og önnur viðeigandi starfsemi sem nánar verður gerð grein fyrir í deiliskipulagi. Breytingin er í góðu samræmi við markmið sveitarstjórnar í Aðalskipulagi Súðavíkurhrepps 1999-2018 um atvinnumál, þróun byggðar og landnotkun.

Annað:

Fornleifadeild Náttúrustofu Vestfjarða hefur unnið fornleifakönnun fyrir þann hluta svæðisins sem skilgreint er fyrir verslun og þjónustu (Fornleifakönnun vegna framkvæmda í Heydal í Mjóafirði, september 2010. NV nr. 15-10) sem taka skal tillit til í deiliskipulagi svæðisins.

Snjóflóðasetur Veðurstofu Íslands hefur unnið staðbundið hættumat þar sem svæðið er metið undir viðmiðunarmörkum sbr. bréf stofnunarinnar dags. 9. júlí 2010 (tilv.31 SU/9640/HG).

Skipulagssvæðið tengist rotþróm. Haft skal samráð við Heilbrigðiseftirlit Vestfjarða um nánari útfærslu frárennslis- og úrgangsmála svo og um öflun neysluvatns og frágang vatnsveitu.

2. Hestur í Hestfirði

            Svæðið er landbúnaðarsvæði og óbyggt svæði, gert er ráð fyrir einu frístundahúsi.

Greinargerð gildandi aðalskipulags.:

3.6.2. FRÍSTUNDABYGGÐ Í DREIFBÝLINU

            Hestur í Hestfirði

            Frístundahús.

Tillaga að breytingu

            Hestur í Hestfirði

            Frístundabyggð og skógræktarsvæði um 77 ha að stærð fyrir 10-15 frístunda-

            hús.  Fyrirhugað svæði nær upp í 200 m.y.s

GREINARGERÐ: Vegna ásóknar í frístundalóðir í sveitarfélaginu er gert ráð fyrir frístundabyggð í landi Hests. Áformin eru í góðu samræmi við markmið sveitarstjórnar í Aðalskipulagi Súðavíkurhrepps 1999-2018 um atvinnumál, þróun byggðar og landnotkun.

Áður en deiliskipulag verður unnið skal hafa samráð við Snjóflóðasetur Veðurstofu Íslands um staðbundið hættumat svo og við Fornleifadeild Náttúrustofu Vestfjarða um fornleifakönnun. Haft skal samráð við Heilbrigðiseftirlit Vestfjarða um útfærslu frárennslis- og úrgangsmála svo og um öflun neysluvatns og frágang vatnsveitu.

3. Hlíð í Álftafirði

            Frístundabyggð og skógræktarsvæði um 121 ha stækkar um 15  ha (130 m) til norðurs í átt að Langeyri.

Greinargerð gildandi aðalskipulags.:

3.6.2. FRÍSTUNDABYGGÐ Í DREIFBÝLINU

            Hlíð í Álftafirði

            Frístundabyggð og skógræktarsvæði um 121 ha. (leiðrétt stærð: Um 65 ha)

Tillaga að breytingu

            Hlíð í Álftafirði

            Frístundabyggð og skógræktarsvæði um 80 ha. Stækkun til norðurs.  Suður- þéttbýlismörk Súðavíkur færast til norðurs sem því nemur. 

Sjá skipulagsuppdrátt hér.