Sitemap
TextSizeButtonSmall TextSizeButtonMed TextSizeButtonBig
Valmynd2
Facebook
Tilkynningar

Með vísan í grein 4.6 í skipulagsreglugerð nr. 90/2013 verður haldinn kynning á aðalskipulagstillögu á vinnslustigi laugardaginn 10. nóvember 2018 í grunnskólanum í Súðavík kl. 10-12 og í Heydal kl. 15-16.30 

Súðavíkurhreppur er lifandi, kraftmikið og sjálfbært samfélag þar sem allir íbúar geta notið sín.

Framtíðarsýnin byggir meðal annars á vinnu íbúa sem tóku þátt í skipulagsvinnunni, á íbúafundi, skipulagshópum, kynningar og samráðsfundum fyrr í vinnuferlinu.

Aðalskipulagsstefnan markar stefnu um nokkra meginflokka m.t.t. landnotkunar, mannvirkjagerðar og umhverfismála.

Undir hverjum málaflokki eru síðan nokkur viðfangsefni, eins og íbúðarhúsnæði, lóðir, atvinnuhúsnæði, frístundabyggð, landbúnaðarsvæði, auðlindanýting, minjavernd, útivistarsvæði, gatna og vegakerfi, gönguleiðakerfi og veitukerfi.

Á fundi sínum þann 29. október 2018 samþykkti sveitarstjórn að tillaga að aðalskipulagi færi í kynningu á vinnslustigi.  Tilgangur kynningar er að gefa upplýsingar um efni tillögunnar og gefa íbúum og öðrum hagsmunaaðilum tækifæri á að koma að fullmótun tillögunnar nú á vinnslustigi.

 

Aðalskipulagstillagan, ásamt umhverfisskýrslu hennar, er því birt nú og er leitað eftir ábendingum í formi hugmynda, tillagna, athugasemda við eða spurninga um efni tillögunnar.

 

Í framhaldinu verður tillagan svo auglýst formlega með tilskildum 6 vikna athugasemdafresti áður en gengið verður frá henni til samþykktar.

 

Hér er slóð á:

  • Skipulagsgreinargerð – tillaga á vinnslustigi
  • Skipulagsuppdrættir
    • Sveitarfélagsuppdráttur (allt sveitarfélagið)
    • Þéttbýlisuppdráttur
  • Umhverfisskýrsla tillögunnar

 

Íbúar Súðavíkurhrepps og aðrir hagsmunaaðilar eru hvattir til að kynna sér tillöguna. Senda má ábendingar og athugasemdir, en þeim skal skila skriflega til skipulags- og byggingarnefndar, b.t. skipulagsfulltrúa, Grundarstræti 3, 420 Súðavík - eða senda á netfangið sudavik@sudavik.is

í síðasta lagi 10. desember 2018. 

 

 

 

 

Fundargerdir

Meira
Vefumsjˇn